點樣揀啱人黎interview
話說本🐷嘅公司依排又請人，咁就收到一堆人嘅CV，但我哋當然唔會全部見啦，因為成本太高，咁公司會睇下佢哋嘅CV再揀一兩個睇落啱心水嘅黎見。
有趣嘅事就喺依一部分，究竟點揀先好呢？我諗無論你係interviewer定interviewee，你都會有興趣知，所以本🐷就分享下睇法😁
首先，你一定要知你想請嘅係咩人：CEO？Management？Team leader？當然本🐷就梗係講返貼地d嘅職位，例如developer、programmer同software engineer。（下次先再講其他）
依三個職位雖然名唔同，但其實喺香港都係做差唔多嘅嘢（以普遍性黎講）。不過都有junior同senior嘅分別，所以第一步要搞清楚你需唔需要佢喺某一範疇已經發展到幾強，對某d framework、library、design pattern有比較深厚嘅認知。要嘅話，你應該揀d年資有四年或以上嘅，當然有少部分低年資甚至啱啱畢業或未畢業，但嗰d係非常少見嘅例子。
因為係要揀人黎interview，第一步當然係睇佢份CV啦。而喺CV度，我哋可以睇到唔少嘢嘅：
- 喺邊度讀書同讀咩科（廢話）
- 有冇defer過，咩原因defer（例如placement、internetship或者成績差）
- 有咩活動同比賽參加過
- 有咩side project
- 做過咩工
- 有咩skills（例如識Java，Ruby on Rails等等）
有部分人會再睇得仔細d，但本🐷就唔列晒出黎。今次主要講究竟點樣先可以有效率地揀啱人黎見。
大部分人（包括本🐷公司）都只係睇佢做咗幾多年嘢都個skill set同公司用緊嘅係咪一樣。咁樣做喺大部分行業黎講都可能係最好嘅做法。之但係，喺依個瞬息萬變嘅資訊科技行業，依種做法有機會令你睇漏咗好多有潛質嘅人。點解咁講呢？因為依家嘅人已經好精，由其是做IT嘅，識上網search嘢，佢哋會睇完個job description之後砌返個對應嘅CV，咁skill set嗰一欄就自然會附合JD嘅要求。所以齋睇skill set同JD同唔同係會中伏嘅，但睇住skill set嗰欄都會有時睇到d嘢。
雖然skill set會造假，但有時喺CV上係可以睇得出嗰個人係咪真係識。背後個原因係建基於好多人用過咩d tool、framework同library，但佢哋根本唔知係咩黎，甚至會用錯。所以如果佢識將依一部分分類咁講，咁可以俾人覺得佢真係識嘢。例如用Java framework為例，有人會就咁寫JEE，以本🐷經驗，佢八九成係唔知咩係JEE。但係如果佢係分開d feature黎寫，例如JPA（Hibernate, Eclipselink），咁就會俾人覺得佢知咩係JPA（JEE入邊其中一個feature），雖然佢好少機會熟晒Hibernate同Eclipselink，但係俾人覺得有sense已經加咗分。
除咗睇佢用過咩外，睇佢做過咩都好有用。只要佢表達到佢份工係做咩而同時又知佢負責緊咩，咁已經算係好好。本🐷見過唔少人寫一大堆好general嘅嘢，冇重點又唔吸引。咁點先叫好呢，依方面本🐷認為冇絕對嘅答案。但本🐷都可以俾一個例子。例如佢加咗一行accomplishments，講咗嗰份工佢有咩貢獻同學到咩咁。咁本🐷已經認為唔錯，因為一來俾人知佢負責咩嘢同用/做緊咩，二來可以睇得出你識得（有動機）去表達佢做緊嘅嘢。
除咗skill sets同工作經驗，如果佢哋寫埋一d side projects做緊/過，對於本🐷黎講係好吸引到人嘅位。因為咁樣佢好大可能係一個好學嘅人，學習能力同好學嘅心態喺非常重要的。
講咗咁耐都差唔多了，同時睇咗依幾個位其實應該都大致決定到佢到底符唔符合到你心水。😄
